Komiði sæl og blessuð, eins og Jón Ársæll segir alltaf en hann er með skalla!

Ég segi allt gott sko, byrjaður að vinna á fullu og æfingar að byrja fyrir alvöru því við erum búnir að skrá liðið inní utandeildina (Malarvinnslubikarinn). Þetta verður gott sumar, eða því vill ég trúa.
En ég var útí Mexíkó bara um daginn, og satt að segja var þetta allt of löng vera þar, ALLT of löng

En ég kem inná söguna seinna meir, kannski eftir ca 2-7 daga .

En ég er með eina spurningu, sem ég vill endilega fá svar við. Af hverju eru Mexíkóar svona lítið fólk, ekki ýtið, heldur lítið? Þetta fólk náði mér ca uppað öxl og svo var það ekkert mikið stærra en það, hvað er það?
Skemmti mér mjög vel, brann og skemmtileg heit, hlakka til að heyra comment um þetta samt, lengra blogg næst, ábyggielga ekki jafn löng og Englandsferðin

Góðann og blessaðann daginn

Langt síðan að maður hefur látið heira í sér hérna inná, enda helvíti brjálað að gera.
Rocky Horror er komið á blað, það er frumsýning í kvöld og var UPPSELT í hádeginu í gær, hversu nett .
Það var general-prufa í gær og gekk hún bara helvíti vel (7-9-13!) Fullur salur, set samt spurningamerki fyrir framan það??
Hef ekkert gert hérna inná vegna sýningarinnar og skóla, það hefur allt verið á milljón síðustu vikur ekki að fílaða!

Svo hef ég ákveðið að taka upp aftur Dynamo HÖFN æfingar, það er að segja ef ég fæ aftur aðgang á Dynamo síðuna. Það kemur með tímanum .

Annars er allt mjög gott að frétta sko. Allt gengur ágætlega þessa dagana, allir að fara til Ak um helgina á Söngvakeppnina en ég ætla að vera heima og horfa á þetta í imbanum held ég Hafa það gott hérna heima, það er toppurinn. Skólinn gengur alveg ágætlega, mikið að gera núna, ritgerðir, rannsóknarverkefni og meira. Held að þetta sé samsæri kenanra að láta mann hafa allt of mikið að gera á vissum tímum í skólanum.

Annars hefur mér dottið eitt í hug, með kenninguna um Adam og Evu (Ask og Emblu). Það er talað um að þau hafi verið hérna fyrst en samt er talað um að maðurinn er kominn af öpum og að risaeðlur hafi verið hérna einnig. Persónulega finnst mér það bara alls ekki passa. 
Er ekki frá því að það voru einhverjar skepnur til staðar áður en við urðum almennilega til, því enn þann dag í dag sér maður náttúruna þróast án hjálp mannana. Velti þessu stundum fyrir mér en ég held að heimurinn muni einn daginn tortíma sjálfum sér, að þróun mannkyns mun fara yfirum og rústa sjálfum sér þrátt fyrir að heimurinn sjálfur, hnétturinn mun haldast og það mun kveikna aftur líf hér seinna meir. Það má setja þessa kenningu niður sem ,,Sjálfbær þróun heimsins". Þrátt fyrir að ég hafi ekkert á bak við það sem ég segi um þetta en samt sem áður getur maður ýmindað sér þetta miðavið að heimurinn hafi þróast sjálfur upp í manninn og þróunin getur fellt mannin líka.

Endilega gagnrýnið og komiði með skoðanir, alltaf gaman af því

Takk og bless!

  Ferðasaga

Góðan og blessaðann daginn. Vona að þið hafið tíma til að lesa, ef ekki, komiði endilega aftur þegar að tíminn er til staðar .

Veit að þið hafið beðið lengi eftir þessari færslu en hérna kemur hún.

Ferðinn byrjaði á fimmtudag kl 15:30 en þá lagði ég af stað frá Höfn og var ferðinni heitið til Reykjavíkur. Rúnar frændi var með mér og getum við sagt að það var gargandi snild að hafa hann með, töluðum um allt á leiðinni (meira um bíla en eitthvað annað skulum við segja).

Ég man ekkert hvenar ég var kominn í borgina en það skiptir engu . Ég man bara að þegar að ég var kominn og var að fara að sofa, gat ég það bara alls ekki, sofnaði ekki fyrr en um kl 02:00 og þurfti að vakna kl 05:30 á föstudagsmorgun.
Semsagt kl 05:30 vaknaði ég svo með Steina bror og gerðum við ekki neitt nema seta smá rakspíra á okkur, smá vatn í hausinn og svo útí bíl og þaðan til Keflavíkur. Vorum komnir þangað um 07:00 og tók það ekki langan tíma að fara í gegnum tollin og þess háttar, við erum svo saklausir að engin athugasemd var gerð við okkur á þeirri leið . Það breggst ekki að þegar að maður er nálægt höfuðborgarsvæðinu hittir maður einhvern sem maður þekkir en Jóna á Stofunni var þarna.

Svo kl 09:00 var hoppað uppí vél og haldið til London, vægast sagt var spenningurinn óbærilegur. Ég var alveg dauð þreyttur og steinsofnaði með Rocky Horror tónlistina í eyrunum, vaknaði stöku sinnum upp við perralegu röddina sem að Emil á að tala í þessu leikriti, held að hann sé eini sem ég sé fyrir mér í þetta . En maður svaf í góðan tíma og má segja að maður vaknaði ekki fyrr en maturinn var borinn fram og svo sofnaði maður sér aftur þar til að maður var að nálgst Englandið. Við lentum og maður sá strax stærðarinnar borgir út um allt og loks bennti Steini bror mér á London og þá vissi maður að þetta var ekki draumur, þetta var allt draumi líkast. Um leið og við lenntum sprettum við bræður upp og fórum út. Ef að það hefði verið tekinn tíminn á okkur labba alla þessa leið þá hlítur það að vera heimsmet, hann er með svo langar lappir að ég þurfti nánast að hlaupa á eftir honum (í þessari flugstöð var svona göngubretti sem að fór áfram, mjög líkt og rúllustigi en maður fór oooofur hratt þegar að maður labbaði á því, gerist ekki oft hjá mér ). Við byðum endalaust eftir töskunum okkar en um leið og þær komu vorum við eld snöggir út og tók helvíti langt labb við og var ég ekki með léttari töskuna af okkur tveimur en maður lét svita og blóð í þetta, bóstaflega! Það voru teknar nokkrar lestir áleiðis til Liverpool-borgar en þegar að við komum að seinustu lestinni spretti Steini á undan mér til að ná almennilegum sætum fyrir okkur bræður, og gekk það. Við vorum búnir að koma okkur fyrir þegar að allir stóðu upp og hlupu út. Þá þurfi endilega að skipta um lest og þurfti Steini aftur að spretta á undan og ná góðum sætum, sem honum tókst en fókið sem sat fyrir framan okkur í lestinni sem fór ekki af stað, tóku sætin og var aaaallt kjaft fullt. Eini kosturinn við þetta var að brosa og setast einhvernstaðar, en við settumst niður í milliganginum í lestinni (þar sem að allir labba inn um hurðirnar og á milli klefa). Sem betur fer keypti Steini spilastokk og við sátum þarna og spiluðum. Kom mér á óvart að við vorum auðvitað fyrir nákvæmlega öllum sem löbbuðu framhjá en það voru allir sem sögðu við okkur ,,Sorry guys”. Bretar mega eiga það að þeir eru svakalega kurteysir (ekki eins og Rooney og Carra, fá lögguna upp á móti sér sem og dómara). En við spiluðum í 2 tíma þar til að við sáum að það voru tvö laus sæti og við hlupum og settumst þar, og var það enginn sem að hennti okkur í burtu , sem betur fer, hefði rotað hann en við vorum vel marðir á rassinum.

Þetta var ekkert nema ævintýri hjá okkur en þetta var rétt að byrja get ég sagt ykkur.

Svo komum við til Liverpool þar sem að Matty, alger snillingur, tók á móti okkur. Þetta er svartur gaur sem að hefur einn besta húmor sem ég veit um. Hann skutlaði okkur á pöbb þar sem sem að Lee beið eftir okkur en það er annar vinur Steina (þeir eiga eftir að koma margir hérna inní). Á þessum pöbb vorum við í dágóðann tíma þar til að við héldum upp í íbúðina sem við vorum í, en Sigurður Hjaltested (rétt skrifað Steini?) á þessa íbúð og er hún á 23 hæð við hliðina á Raddison-hotel en ég kem betur að því hversu gott það hótel er.

Eftir að við komum okkur fyrir ákváðum við að leita þennan Andra uppi sem sagði okkur að hitta sig á föstudeginum þegar að við kæmum.

Okey, hérna kemur sagan af Andra, Jonna og Mæju. Þetta eru tveir bræður og frænka þeirra sem að söfnuðu sér pening í góðann tíma og ákváðu svo að flytja (bókstaflega) til Liverpool í Janúar og leigja þar íbúð. Þau ákváðu að safna sér pening og vera í Liverpool út leiktíðina...engin vinna, enginn skóli, enginn gróði á peningum heldur bara það sem þau áttu og svo er það bara yfirdrátturinn. Eins og Andri sagði þegar að við spurðum hann hvernig væri með yfirdráttinn og vinnu: ,,Það er seinni tíma vandamál, lifum lífinu á þessum tíma og komum svo heim að vinna”. Svona eiga alvöru menn að vera .

En jæja, aftur að ferðinni bókstaflega. Við hittum þá niðri í lobbyinu á Radison og fengum okkur nokkra öllara þar. Eftir smá tíma þar héldum við uppí íbúðina þeirra og þar hittum við hina unglegu Mæju eða Mis.Hyypia .Á leiðinni þangað var einhver helvítis runni sem var endalaust langur í báða enda og var svona pínulítill stígur í gegnum hann og ég, í mínu besta ásigkomulagi , ákvað að fikra mig áfram í gegnum hann. En viti menn, þessi stígur hefur verið eftir kött eða eitthvað þess háttar, ég flaug á hausinn inní runnan og lá þar. Þegar að ég var kominn útúr honum fann ég eh stinga mig, og var þetta helvítis runni með nálum og stóðu þær í mér öllum, helvítis runni, besti vinur minn í þessari ferð...unei! En þar spiluðum við poker og vissi ég nákvæmlega ekkert hvað ég var að gera, og rökhugsunin ekki alveg á réttum stað . Svo gerðist markt mikið og skrítið þarna heima hjá þeim skulum við segja, ég skildi allavega símann minn eftir þar eftir að ég lagði hann á kommóðuna hjá rúminu hjá strákunum en ég lagði mig víst aðeins þar, hélt kannski að ég væri kminn heima?! Tjah, skulum segja að myndir af þessu voru nóg .

Á laugardeginum tóku veikindi við, var ekki alveg uppá mitt besta og var haldið á Andfield og var ferðinni heitir að Liverpool vs Barnsley. Fyrst var haldið á Park, sem er aðal pöbb hörðustu Liverpool manna, ég var þar sko .

Þar hitti ég marga snillinga og þar voru mín fyrstu kynni af Pete Sampara (gooliði hann , merkur maður) og ég tók í höndina á honum og hann sagði þá við mig ,,Haltu kjafti og farðu í rassgat”...heheheheh, í Bretlandi, býst maður við þessu? Nei! En þetta var ofur fyndið. Skulum segja að inná þessum pöbb var ekki mikil stemming en klósetferðir voru einkennandi hjá mér og var það ekki niðurgangur!

Svo fórum við á leikinn og sat ég, minn fyrsta leik, í THE KOP!!!! Það tók Steina og Sigga Hjallt fokking 5 ár að komast í THE KOP, það tók mig einn leik (Siggi ætlaði að drepa mig þegar að hann heirði það ).

Allir vita hvernig sá leikur fór og fer maður ekkert útí hann nema að þetta var ótrúleg upplifun, sjá allt svona skýrt og finna rafmagnaða stemmingu blossa upp. Eina marktæka var að Kuyt skoraði í þessum leik og var þetta fyrsti leikurinn minn, það gerist ekki oft .

Eftir leik var farið á Park aftur og var ekki mikið ris á mönnum þar inni þar til að Andri tók sig til og byrjaði að dansa og syngja. Þá ætlaði þakið að rifna af öllu, það blossaði upp svakalegt stuð, nema fyrir Jonna, hann var dauður fram á borðið (í 5 tíma Hehehehheheh, en aldrei þessu vant var hann ekki þunnur daginn eftir, ömsi! Við bræður ákváðum svo að fara heim og buðum Andra, Jonna sem var að ranka við sér og Mæju heim og fá sér nokkra öllara en viti menn, það voru fleiri sem að fylgdu með. Hvítur maður frá Suður-Afríku að nafni Andie, sem er mesti snillingur sem að þú finnur í heiminum, kom með okkur líka en hann ætlaði að fá að sofna þarna þessa nótt því hann ,,misti” af lestinni til London, það hefur víst gerst oftar en einu sinni og oftar en tvisvar). Þá vorum við komin öll uppí íbúð og þá var bankað, þá stóð Matty fyrir utan og Mark, mjög stór maður sem að frussar mjööög mikið. Þá var öll hersingin komin uppí íbúðina okkar og var það alls ekki planað.

Þetta kvöld var frekar furðulegt því Andie sem er mjög stór á allavegu ákvað að verða svangur og tók eitthvað beikon, kveikti á ofninum og ætlaði að fara elda sér beikon um miðnætti en ég hélt ekki, þetta var morgunmaturinn minn. Ég tók beikonið og faldi það inní skáp inní herbergi en þeir voru mjög ákvafir að vilja þetta beikon, þeir Matty, Mark og Andie. Ég stóð í hurðinni til að passa matinn minn en þeir ákváðu svo að koma allir þrír og ná í beikonið og ég hef aldrei glímt við þrjá fullorðna menn áður, einn risa, einn hvítan Afríkumann og svartan gaur. Ég hélt þeim öllum úti fyrst en svo ruddust þeir inn en ég hélt þeim öllum ennþá, svo voru þeir að ná að ýta mér svo ég leit fyrir aftan mig, sá rúmið og sagði þeim að búa sig undir flugferð, þá litu þeir allir á mig og hristi hausinn en svo hoppaði ég, með þá alla í fanginu, aftur fyrir mig og lennti á rúminu. Þar hélt ég þeim öllum en þeir náðu svo að losa sig en það var aðalega af því að Mark lá ofaná mér og var að tala en samt bara frussa framaní mig. Nammi? Nei. Ég náði að halda þeim frá beikoninu í hálftíma en svo náði Andie því og ákvað að kveikja aftur undir. En ég hljóp fram og náði því aftur, varði það með svita og blóði og náði svo að að taka það án þess að þeir sáu, héldu að það væri í ofninum, og setti það á mjög augljósan stað, þar sem þeir myndu ekki leita og gekk það alveg . Þegar að ég var alveg að sofna og Andie líka heirði ég allt í einu í honum ,,Hey, Ju. Remember that bacon at 8.30, then I will get hungry”. Hann var alveg að missa sig útaf þessu beikonu, alger mathákur. Svo var sofnað við hliðina á Steina en Andie ákvað að sofa á mínum stað og ég þurfti að sofa með Herra. Hrotu en ég gat varla sofnað útaf hávaðanum í honum .

Sunnudagurinn fór bara í það að labba aðeins um borgina miklu en þessi ganga var ganga í leit að Ítölskum matsölustað sem að gerir frábærar pitsur, sem við fundum eftir hálftíma labb. Þarna var alltaf eitthvað kallað þegar að við löbbuðum þarna inn en pitsurnar voru alveg ágætar, panntaði það sama og Steini og hann vill alltaf að allt sé logandi sterkt á pitsunum og var að éta chilli eintóman fyrir 20 pund, og sagði að þetta hafi verið auðveld 20 pund heheheh. Þegar að við komum til baka sáum við grindur í kringum Radison og sáum fullt að flottum bílum og komust svo að því að Inter liðið var staðsett við hliðina á okkur, þarna var samastaður þeirra á meðan að þeir voru í Liverpool.

Svo var farið uppí íbúð og prófað X-boxið og var Tiger Woods Pro...eitthvað spilaður (var mikið betri en Steini, og hann var pirraður ;D). Svo var farið til Andra og þeirra um kvöldið og var spilaður poker, en þetta kvöld tókum við bræður þetta. Steini vann fyrra spilið en ég slóg hann fyrstan út í seinna spilinu og vann svo á hærra pari, Andri varð frekar hissa þegar að hann tapaði þessu (pokerpeningar). Svo var bara farið heim og haldið í rúmið.

Mánudagurinn byrjaði frekar snemma og það var vaknað nánast beint í ferð um Anfield Road og Liverpool-safnið var það alger snild. Farastjórinn tók það strax fram að það mætti ekki hlaupa útá grasið, sem að var ömurlegt því þegar að ég sá það var ég ekki búinn að hlaupa í meira en viku og það var ofur freistandi að hlaupa útá, Steini var skít hræddur um að ég færi þarna inná en ef maður gerði það lennti maður í grjótinu Hversu mikið ævintýri hefði það verið . En sá dagur var frábær, við fórum í þessa ferð og fórum svo heim og höfðum það rólegt, þannig á lífið nákvæmlega að vera, hafa engar áhyggjur af neinu heldur bara lifa lífinu .

Svo var komið að stóra deginum, ÞRIÐJUDEGINUM!!!!! LIVERPOOL VS INTER MILAN!! Dagurinn byrjaði í spennu, svaðalegri spennu. Maður vaknaði og maður fann hvernig loftið var spennuþrungið! Við bræður og Siggi og frú fórum af stað úr íbúðinni niður í bæ á pöbb þar sem að Mark var og fleiri góðir menn, minnir að hann heitir Dave og er með mestu röddina á Park eða stjórnar söngnum. Þar fór ég í mína einu búð sem að ég fór í allan tíman, ég keypti mér Liverpool búning með Carragher 23 aftaná!! Kóngurinn mun lifa lengi því ákvað ég að setja nafn hans aftaná bakið á mér.

Við komum svo á þennan pöbb og var fengið sér nokkra þar fyrir leikinn. Svo var haldið á Park og þegar að við komum þangað, vá, sögurinn, stemmingin, fjöldinn! Ég hef bara aldrei vitað annað eins, allir syngjandi, allir brosandi og allir í þvílíkum stemmara!

Svo var komið að því...að labba inná Anfield og labba í THE KOP á minn fyrsta Meistaradeildarleik. Á stærsta leik leiktíðarinnar fyrir mína menn! Ég fékk hroll niður í tær, því þegar að við löbbuðum inná völlinn þá var verið að syngja You'll Never Walk Alone. Þvílík snild, ekkert nema gargandi snild! Þegar að leikmennirnir löbbuðu inná var þetta svakalegt, það varð allt vitlaust. Allir vita hvernig leikurinn var og ekki er hægt að lýsa þessu með orðum! Þegar að Materatzzi fékk rautt varð allt klikkað, þegar að Kuyt skoraði varð allt snargeðveikt en þegar að Gerrard skoraði stöngin inn! Váááááááá.....það varð að sjóðandi vitlaust, allir hoppandi, öskrandi, grátandi og bara í sæluvímu! Að vera í The Kop þegar að Liverpool leggur Inter Milan af velli í meistaradeildinni, það er ólýsanlegt og ómetanlegt!

Eftir leikinn stóð maður og söng í ca. 20 mínútur og mjakaði sér svo niður aftur. Þá var haldið á Park aftur og þar var skemmt sér lengi vel þar til við fórum á einhvern annan pöbb og hittum það Ian Rush meðal annars. Þetta kvöld var gargandi snild, ekkert nema það!

Miðvikudagurinn var einnig góður, ég svaf frekar lengi og vaknaði svo og tók mig saman því við vorum að leggja af stað til London til að fljúga heim. Steini vinnur í Samskip og var 15 manna hópur Samskipsmanna á Radison og voru á tveimur Benzum sem að keyrðu þeim itl London og við fengum far með þeim á flugvöllinn. Þetta var mjög gott nema að það sprakk á leiðinni og það var óttarlegt gauf á þessum bílstjórum að skipta svo ég ákvað að grípa aðeins inní og gekk þetta mikið hraðar eftir það, stoltur eftir af því .

Svo vorum við komnir til London og á flugvöllinn og sögðu þeir að það tæki alltaf langan tíma að fara í gegnum Heathrow (flugvöllinn) útaf miklum röðum í tollinum. En viti menn, það var nánast enginn þar, við bræður löbbuðum nánast beint í gegn og það var mjög þæginlegt. Sátum inná Heathrow í tvo tíma og höfðum það gott þar til að það kom að fluginu heim og ég get sagt að ég horfði mikið yfir England þegar að við flugum í burtu, þetta var svakalega flott sjkón að sjá allar borgirnar svona uppljómaðar.

Svo var sofið og horft á mynd á leiðinni og haft það mjög rólegt.

Við lenntum svo loksins eftir smá ókyrð á leiðinni, sem mér fannst þæginlegt (A), og röltum við bræður inní fríhöfnina og svona, hann keypti nauðsynjar fyrir Sóley og fjölskilduna en ég rauk að töskunum og var með þær klárar, var ekki mikið fyrir að versla í þessari ferð .

Svo var komið að þeirri stundu þar sem ég steig inní Skodan minn, fákinn sjálfann og þá var lagt af stað í borgina og lagt í háttinn. Vorum komnir um 01:30 heim en ég náði ekki að sofna fyrr en um 03:00 en vaknaði kl 08:00 daginn eftir og lagði af stað heim.

Þessi ferð mun aldrei gleymast! Þetta var unaðslegferð í alla staði, maður upplifði allt. Tap, sigur, gleði og geðveiki !

Vill einfaldlega þakka Steina Bróðir fyrir frábæra ferð og allri fjölskildunni fyrir að gefa mér þessa frábæru ferð. Enginn Liverpool maður getur beðið um eitthvað meira en svona fullkomna ferð, þetta var alger snild!

Andri, Jonni og Mæja, takk fyrir frábær kvöld og hlakka til að hitta ykkur aftur, hvort sem það verður í Englandi eða á Íslandi. Og Mæja, minntu Jonna á (ef hann les þetta ekki) að hann lofaði að koma á Humarhátíðina þegar að hann kemur til Íslands, hlakka til að sjá ykkur öll aftur.

Andie, Matty, Mark, Lee, Siggi, Hjördís og allir hinir, takk fyrir frábæra ferð sem að aldrei mun gleymast!

Steini, ætti ég að þýða þetta yfir á ensku eða skoða þessar feitu beljur ekkert á netinu? Vangaveltur.

Takk kærlega fyrir mig.

Ferðasagan eftir Anfield er öll í vinnslu, hún er frekar viðamikil!! Vona að þið gefið ykkur tíma þegar að þið komið inná til að lesa hana

Sælt veri fólkið.

Lítið hefur verið að ske hjá mér en það er tvennt sem að er liðið og annað sem að á eftir að gerast.

Ég hef verið þolinmóður með Dynamo æfingar hingað til en ég er hættur að þjálfa út Febrúar og byrja ekki æfingar aftur fyrr en í Mars. Hef búist við þessu í tvær vikur og núna kom að þessu, þetta hlaut að enda svona.

En svo er það 15. Febrúar, ANFIELD ROAD BEIBÍ!!! Djöfull hlakkar mig til!!
Ég og Steini eigum eftir að meikaða held ég Hef ekkert meira að segja um það, því þetta verður ekkert nema snild!!

Í dag (þessu bloggi) vill ég tala um einræði. Hver er ykkar skoðun á þess? Presónulega finnst mér einræði verra. Þá er það einungis undir einhverjum nokkrum komið en ekki hópurinn sjálfur sem fær að ráða því. Með stjórnvöld má þetta vera einræði en samt ekki það mikið einræði að lýðurinn verður óánægður.
Eins og á Dynamo æfingum var það ekki alltaf einn maður sem ákvað allt, ákvað lið og þess háttar, það var stundum valið í lið en stundum var skipt, með því að gefa val á hvoru tveggja hélt maður öllum góðum.
Stjórnvöld ákveða vissar stefnur útaf fyrir sig en þær á samt að byggja upp á grunni samfélagsins, hvað fólkið vill.
Lýðveldi er mikið skárri kosstur en samt er allt gott í hófi! Það má ekki vera opið hlið fyrir hvern sem er svo hann geti tekið ákvörðun sem henntar hans mönnum vel en öllum öðrum illa. Allir eiga að hafa val um réttindi sín en samt ekki það mikið val að það sé hægt að breyta þeim af einum manni sem lætur þetta hagnast fyrir sig og sína, heldur er það meirihlutaákvörðun hvað skal gert. Láta þetta koma vel út fyrir sem flesta.

En ég vill endilega heira ykkar skoðun á þessu, veit að bræður mínir verða málefnalegir og endilega má Fríða henda einhverju útúr sér líka, við bítum ekki

Blessuð og sæl.

Hvað er að frétta af ykkur þarna úti? Það er ekkert að frétta af mér, nákvæmlega 0 og nix!! Ég er að fara suður á miðvikudag/fimmtudag og hlakka frekar til. Aðal ástæða þessa ferðar er að fara á Ladda Sex-tugur, mig langar ofur mikið á þetta...sjæse!

En já, svo er maður að hugsa hvort maður fari á Benny Bennassi eða ekki?!?! Veit ekki hvort að það sé málið eða ekki. Flestir frá Höfn að fara, eða meirihluti FAS allavega. Þetta verður bara góð bæjarferð held ég, hvort sem að maður fari á Benny eða ekki

Núna er ég að hugsa hvaða pælingu maður gæti komið með, en það helsta sem ég hef verið að spá í er þetta með Guð og myndun heima, eða ég trúi á ,,Miklahvell".

Vona að fólk sé samála mér því miklihvellur hefur búið til fullt af tunglum í geimnum okkar, eða vetrarbrautinni okkar. Hvellurinn hefur búið til fjöldann allan af plánetum og talið er að líf gæti fundist á Mars, og það er ein kenningin sem að maður hugsar með Jörðina líka. Hvellurinn getur greinilega myndað árfarvegi á Mars og er það staðfest. Jörðin hefur semsagt verið myndið af hvellinum vegna þess að þar er líf, þar er gróður, vötn og menn geta þryfist þar. Allavega er kenningin mín sú að Jörðin var sköpuð af tilviljun, ekki af því að Guð ákvað að búa til Jörðina svo að það væri hægt að lifa á vissri plánetu. Það eru margar vetrarbrautir í öllum himingeyminum og held ég að ef að það væri skoðaðar aðrar vetrarbrautir þá myndum við finna svipað líf á svipaðri plánetu.

Ef að þið hafið skoðun (Skúli bror og Steini bror ..)

Takk fyrir mig í senn!

Sælt veri fólkið.

Jæja, hvað er að frétta? Lítið að frétta af mér satt að segja! Skólinn kominn í gang og svona, mikið að gera en alltaf tími til að gera eitthvað skemmtilegt, eða svona næstum. Maður lyftir núna á fullu og svona, maður er leiður á bumbunni, kannski hefur hún fylgt manni það lengi, ha? En já....svo kemur það í ljós hvort að maður megi spila aftur bolta eftir 10 daga Hope for the best!!

Annars er maður að fara í bæinn 30. Jan á Ladda Show og kannski Jesus Krist Superstar og svo MJÖG LÍKELGA á Benny Benassi Það verður náttúrulega geðveikt.

Annars gengur allt upp og niður eins og allt hefur alltaf gert, people go and people come...you make big mistakes or you do everything just right, there is no way between these two ways!!
Vá hvað maður rausar alltaf um það sama, þýðir það að maður er fastur í sama farinu? Að maður færist ekkert í metorðastiganum heldur er maður bara á vissu leveli og heldur sig þar?
Ég held að eftir framhaldsskóla eða eftir að þeir koma úr námi geta menn farið að færa sig upp metorðastigann. Þá er maður kominn á sama level og þeir sem vinna allan daginn og þéna helling eða lítið.
Endilega segið ykkar skoðun, og hingað til hefur það verið Skúli Bror sem hefur verið agresívastur í að commenta og láta ljós sitt skýna með pælingar sínar en vill ég benda öllum á að engin pæling er 100% rétt, allir geta haft sína skoðun.

Látiði ljós ykkar skýna, ekki gerist það oft hjá sumum að þeir megi tala tæputungu laust um það sem þeim persónulega finnst.

Takk fyrir áheyrnina!!

Jæja gott fólk, vill tala aðeins núna um comment og þess háttar.

Hérna í blogginu á undan kom upp eitthvað mál og var skrifað undir nafnleind (XXX) og kann ég alls ekki við það. Þrátt fyrir að ég viti nákvæmlega hver það var sem að skrifaði undir þessu nafni þá er þetta ekki í fyrsta sinn sem það gerist hérna inná þessari síðu.

Vill byðja fólk að ef að það þarf endilega að commenta um eitthvað þá má það vera tengt blogginu, ekki einhverju sem að tengist því ekkert. Engin leiðindi né neitt því a ég hendi þeim strax út og geri það með góðum vilja.
----------------------------------------------

En að öðru. Skólinn er að byrja á mánudaginn og er það seinasta önnin sem að byrjar þá.....stúdent handan við hornið!!

Jólin voru mjög góð, alveg frábær bara...ég fékk t.d stóra gjöf frá öllum í fjölskyldunni og það var ferð á Anfield og verður Liverpool vs Internatzonale fyrir valinu. Ég var í sjokki þegar að ég las gjafarbréfið og varð fölur og svo tók ég lit og brosti

Jólin og fríið var samt mjög kærkomið eftir að vakna á hverjum morgni kl 07:00 og fara í skólan kl 08 og vera til 16:10. Núna gat maður gert það sem maður vildi og leifði sér að sofa vel.

En núna er ég farinn að stoppa og hugsa hvað ég á að skrifa svo að ég ætla að leggja pennan niður eins og er....veriði sæl og kannski takiði mark á þessu sem ég sagði hérna efst!!

Komiði sæl og blessuð!!

Ég var að klára prófin áðan og það kláraðist með Félagsfræðiprófi áðan og get ég alveg sagt að það gekk alveg ágætlega sko. Felst prófin sem ég hef tekið hef ég náð en hef ekki fengið útúr tveimur ennþá..... smááááá stress! Svaf ekkert eiginlega í nótt vegna þess að ég var stressaður fyrir þessu prófi, en það rættist allt eins og gefur að skilja!

En Dynamo ,,Máni" Höfn er að fara að keppa á Fáskrúðsfirði á morgun, 2 leiki og er ég ekki frá því að við eigum alveg séns í annan, veeeit ekki með hinn satt að segja, Höttur eru andskoti sterkir. Ennnnn ég veit ekkert hvað ég er að fara að segja satt að segja Próflokadjamm á Laugardaginn, ójá Skólinn búinn og bara 10 dagar í jólin/afmæli maður á erfitt með að trúa þessu satt að segja, veturinn hefur hlaupið langt á undan mér.

En ég var í heimspekiprófi og gerði þar að leiðandi alveg helling af heimspekiverkefnum fyrir þennan áfanga, og ég veit að margir hafa velt þessu fyrir sér en samt!
Hver er tilgangurinn Hvert er stefnan? Er stefnan bara peningar, vinna, ást, sorg, þreyta, fjölskilda og vinir? Er einhver tilgangur með þessu í lokinn? Tilgangur bíla er að koma okkur á leiðarenda, skila okkur á milli staða en gerir lífið það? Lífið gerir það hugsanlega ef að það er líf eftir dauða, en margir trúa ekki á það. Lendum við bara í endalausum draumi eftir þetta allt saman þar sem við upplifum þetta aftur án þess að gera okkur grein fyrir því? Erum við að því núna? Margar kenningar hafa komið um þetta en engin kenning hefur náð að staðfesta það.

Vangaveltur sem er mjög gaman að spá í, kannski hef ég of mikinn tíma þessa dagana en það verður að hafa það, heimspeki er skemmtileg og held ég að ég komi með eitthvað meira af svona speki á næstunni!!
Endilega ræðið þetta í commentum ef það er áhugi, alltaf gaman af smá hugdettum!!

Takk!!

Hvað er að frétta?

Ég var að ná Þýsku

203 og 303.....eruði

að sjá þetta!!!

Ég gæti ekki verið meira glaður í dag.......shiiiiit.

Hef ekkert meira að segja nema Hsp próf gekk vel og svo er bara að TAKEDDA!!!!!!!!

Jæja.

Þá fer maður að mæta örlögunum. Skólinn er að klárast á morgun og eftir það koma próf, og ef að maður vill útskrifast verður maður að TAKA Á......þetta verður svakalegt (ef þið finnið einhvenrtíman brunalikt, þá er ég að hugsa of mikið eða Sunna að reyna að hugas). Þetta verða átakamiklar 2 vikur held ég, allavega hjá mér. 7 próf vá.....er þetta grín!!! Ég hef aldrei farið útúr lokaprófum án þess að falla og finnst mér þetta svakaleg pressa. Svona án alls gríns!
Þetta verður svakaleg erfitt og satt að segja hef ég aldrei verið stressaður fyrir þessu, en það er ég núna, vá!! Þetta kemur svona yfir mann núna, þýskan verður erfiðust, án efa!!! Gangi mér og Þýsku 303 vel .... Þýska er jaaaááá!

En svo eru alveg að koma jól og með þeim kemur oftast skítakuldi, en hann var reyndar kominn langt á undan þeim, sem að ég skil ekki alveg. Mér var sagt um daginn að einhver eldri maður hafi labbað uppað einhverjum og sagt að þessi vetur yrði harður, og svo byrjar hann svona, mikill snjór og frost!! Ég, Guðni, Gunnar, Hólar, Frikki og Einir kvörtum ekki .... hefur kannski ekki farið framhjá mörgum sem keyra um götur Hafnar á kvöldin!!

En já....ég veit voða lítið hvað ég á að segja meira...erum að fara að takast á við Mfl.Sindra á Laugardag/Sunnudag í Íþróttarhúsini og kvet ég sem flesta að mæta og horfa, þetta verður hörku leikur.

En já, bless í bili, vona að ég bloggi fyrir jól...*flaut*

Undur og stórmerki í námd, ég er að blogga með ekki það löngu millibili

Sælt veri fólkið.

Markt hefur skeð uppá síðkastið...eins og í gær og í fyrradag, þá var Mjölútskipun (báða dagana) og skilar það af sér góðum 50.þús.kalli, ekki slæmt .
Svo er ég að halda í bæinn á Föstudaginn, það er eitthvað sem að ég ætlaði að gera fyrir viku, en ákvað svo að fresta því um viku og taka góða helgi núna og hitta famelíuna. Svo ætlar maður að versla smá af jólagjöfum og svona, handa Elvu litlu og svona, lofaði henni því og ég stend við loforð

En já, eins og er, er ég í MJÖG afslöppuðum Félagsfræðitíma, sem er frekar sweet eftir nokkra daga vinnu get ég alveg sagt.

Svo fer futsal mótið að byrja og eigum við okkar fyrsta leik við 2.flokk Sindra VIÐ TÖKUM ÞETTA... spólvitlausir

En höfum þetta ekki lengra, viiiiiið sjáumst og heyrumst....Takk og Bless!!

Sælt veri fólkið.

Get sagt fyrir mitt leiti að ég hef ekkkkkert að segja ykkur, hehe.
Lítið búið að ske síðan að ég bloggaði seinast, bílinn alveg að standa sig, skólinn að gera sig (það var þá og hann er alltaf jafn skemmtilegur (þess þá heldur).

Neinei, en það er allt að ganga í sómanum þessa dagana. Nema veðrið . Sit og er að horfa út um gluggan, það er frekar mikið rok og stinnings kaldi. Svo eiga þessar blessaðar leifar af fellibylnum að koma eitthvað yfir landið, lítið hérna er sagt, en þessi fellibylur hefur víst ráðist eitthvað á Bandaríkin og margir látist þar, vona að þessar leifar að honum verði bara litlar, ha!?!

En já, hvvvvað á ég að segja? Hver einasti dagur er mjög líkur, vakna, skóli, lyfta, æfing(á mán/miðvikudögum), heim, læra og svo sofa.....get ekki sagt að það sé fjölbreitni í þessu, ahhh.

Klippa ogggg byrta.

Bæ!

Jæja, ég hef voða lítið að gera svo að ég held að ég bloggi eina stutta færslu.

Lítið búið að ske seinustu daga nema kannski að það kemur hálka núna annað slagið, það er helvíti fínt, allavega fyrir mig, Guðna og Hólmar. (vill benda ykkur á www.video.google.com og skrifa þar slide-buid, þá komisti að mörgu . En já, eina sem maður gerir þessa dagann er að fara í skólann, svo að lyfta og svo fótboltaæfingu eða heim að læra geeeet ekki sagt að það sé mikil fjölbreitni í þessu, en jæja.

Hvað sem því líður virkar bílinn flott, eðalvagn þarna á ferð skal ég segja ykkur.
En djöfulsins kuldi er kominn, alla morgna, alla daga og öll kvöld, þá er nýstings kaldi, aðalega þegar að maður skríður undan sænginni á morgnanna, frekar bið ég nú um Sumar, ha!

En já, neeeenni þessu engan veginn.

Hver er tilgangur lífsins?

Hver getur svarað því, hér og nú?

Er það að endurtaka alltaf það sama dag eftir dag, vakna, borða fara í skólann/vinnu, græða pening...og hvað? Svo fer maður að sofa og allt endurtekið! Þetta gengur dag eftir dag hjá manni, en það eru sumir sem fara útaf þessu munnstri, fara og gera alltaf eitthvað nýtt dag eftir dag, sóa ekki lífinu í eitthvað eitt!!

Hver er tilgangurinn, svo deyjum við og hvað? Er þá bara allt búið? Allt svart? Hva?

Smá pælingar!!